"O que suscribe, Alfred Bernhard Nobel, declaro por
este medio trala profunda reflexión, que a miña última vontade respecto
aos bens que podo legar trala miña morte é a seguinte:
Disporase como segue de todo o remanente da fortuna realizable que
deixe ao morrer: o capital, realizado en valores seguros polos meus
testamentarios, constituirá un fondo cuxo interés se distribuirá
anualmente como recompensa aos que, durante o ano anterior, prestasen á
humanidade os maiores servicios. O total dividirase en cinco partes
iguais, que se concederán: unha a quen, no ramo das Ciencias Físicas,
teña feito o descubrimento ou invento máis importante; outra a quen o
teña feito en Química ou introducido nela o mellor perfeccionamento; a
terceira ao autor do máis importante descubrimento en Fisiología ou
Medicina; a cuarta ao que teña producido a obra literaria máis notable
no sentido do idealismo; por último, a quinta parte a quen teña laborado
máis e mellor na obra da fraternidade dos pobos, a favor da supresión
ou reducción dos exércitos permanentes, e en pro da formación e
propagación de Congresos da Paz.
Os premios serán outorgados:
os de Física e Química pola Academia Sueca de Ciencias; o de Fisioloxía
ou Medicina polo Instituto Carolino de Estocolmo; o de Literatura, pola
Academia de Estocolmo; o da obra da Paz, por unha comisión de cinco
individuos que elixirá o Storthing noruego. É a miña vontade expresa que
na concesión dos premios non se teña en conta a nacionalidade, de
maneira que os obteñan os máis dignos, sexan ou non escandinavos [...]
A partir de agora, é éste o único testamento con valor legal. Con él
quedan sin efecto todas as disposicións testamentarias anteriores que
poidan aparecer despois da miña morte."
París, 27 de novembro de 1890.
Alfred Bernhard Nobel